Баярай дуунууд

Буряад удам угсаатан арад зон
Бүгэдэ зугаа наадаяа нэрьенэл.
Буян сагаан сэдьхэлһээ барандаа,
баяраа халяан бахархан нэгэдэнэл.

Дабталга:
«Алтарганын гаа» найрта суглараад,
Мүрысэн тогложо сэнгэнэбди,
Амгалан байдалай
Тугаар уряалаад,
Хурылан эб эеэ бэхил нэб ди.

Эрын гурбан нааданда оройлоод,
Илагшад бара, солоёо дуудуулнал.
Уран оюун бэлигтэн тодороод,
Урматай зоноо баясаан суурхуулнал.

Дабталга

Үлзы һайхан дэмбэры заяатай
Үргэлжэ «Алтарганамнай», һалбарыш.
Мүнхэ энхэ найрамдал үреэлтэй
Мандажа зулаа һаруулаар бадаргыш!

Дабталга

«Алтарганынгаа» найрта суглараад,
Хабатай зохидоор сэнгэел
Амгалан тайбан байдал хурылаад,
Хамтадаа эб эеэ бэхилэел.

Дабталга:
Эрын  гурбан наада абаргаар оройлоод,
бара соло дуу дуулыт.
Уран бэлигээрээ шалгараад,
орон нютагаа суурхуулыт.

Буряад омогой удам угсаатан,
Баяраа хубаалдан нэгэдэжэ,
Бэлэг – сэлэг, үреэл
Бултадаа гоё наадаа нэрьеел.

Дабталга:

Энхэ буянай нангин удхатай
Мүнхэ өөдөө улам hалбаржа,
Үндэhэн соёл, заншал аятай
Үргэжэ мандаг лэ «Алтаргана».

Дабталга:

Үлиртэ, Шагалзуурай обоо түшэгтэй,
Үлзы хүүгэдээ үндылгэн ябаалта.
Жаран наһанай оройдо түлэбтэй
Жаргал нүхэртэ жарган гараалта.

Дабталга:
Жаран жэлнүүд эрдэм, ажал,
Жабхалан тэгшэ,
Жаран наһан эршээр  түгэс
Жагсаһан бэе.

Дала, ная, ерэһээш дээшы сарюунаар
Дабан согтой дорюун хүнгэн дабшыта,
Агын түүхэдэ солоёо арюунаар
Амараа үедөөш һайса дабтыта.

Дабталга:

Баян дүй дүршэл, нангин хүсэл, хэрэгээ
Бултынь арадтаа, нютагтаа зорюулаат.
Буян, хэшэгтэй, амгалан хэтэдээ
Байхытнай айлдаял энхэ үреэлээ.

Дабталга:

Зугаа наадаяа
Зондоо дэлгэел.
Хүгжэм дуунуудаа
Хүхин нэрьеел.
Аа –аа-аа, аа-аа-аа
Хүгжэм дуунуудаа
Хүхин нэрьеел.

Эндэ бидэнээр
Сэнгэн амархаа
Эжэл нүхэднэй
Ерээл наадахаа.
Аа –аа-аа, аа-аа-аа
Эжэл нүхэднэй
Ерээл наадахаа.

Бүжэг хатараа
Вальсаар эхилэел
Бүгэдэ хабархан
Бахархан сэнгэел.
Аа –аа-аа, аа-аа-аа
Бүгэдэ хабархан
Бахархан сэнгэел.

Энэ гоё найртатнай
Хүхеэ сэнгээбди.
Эльгэн халуун байналта:
Хүсэ нэмээбди,

Дабталга:
Зугаа, наадан, уран дуун
Урма зориг бадаргаал,
Зандаа дээшээл байгыт даа,
Һайн даа, баярлаа!

Зохид олон нүхэдөө
Золгоод, хабархаад,
Сэдьхэл соомнай үльгэрэй
Сэсэг һалбараал.

Дабталга:

Үнэр баян нютагнай
Үлзы һайхан лэ.
«Улам жаргал буянтай!»-
Үреэл айлданам.

Дабталга:

Сагаан һарамнай мориложо
Сагаан дэлхэйм угтабал.
Сагаан һаруулаар толоромоор
Сагаан хүсэл үргэбэл.

Һама бурхамнай юртэмсэеэ
Энхэ байхынь эрьебэл.
Ламын бүтээлээр сахюусаднай
Хии моримнайш һэргэбэл.

Сагаан һарымнай олон хурал
Сагаан буян бадаргаа.
Сагаалганаймнай бүхы үдэр
Сагаан баяраар салгидаал.

Угтаял баяр дүүрэн сагаан һараа.
Үргэел сагаан эдеэн, сэржэм, сайгаа.
Уриял даа түрэл садан, хүршэнэр, нүхэдөө.
Золгоел даа хадаг дэлгэн хүндэтэйгөөр.

Дабталга:
Сагаалганаар амар мэндэ!
Саган һара мүнхэ мандаг!

Сэдьхэел үлзы хутаг, сагаан хүсэл
Дэлгэел үрмэ, хурһа, бүүһэг, бэлэг,
Үреэел даа энхэ тайбан амгалан байдалы,
Үргэһэй даа хэнээш этигэл, найдалы

Дабталга:

Мүргэел шүтөөн бурхан, сахюусадтаа
Зальбараял сэсэн мэргэн найжанартаа
Һүгэдэел һара, наран, замби огторгойдоо,
Хүндэлэел орон дэлхэйгээ, тоонтоео.

Дабталга:

Yендөө хүрөөл бүүбэймнай
Yhынь хайшалан байхадаа
Yльгэрээ hайхан үреэлээ
Урма баяртай айлдаял.

Дабталга:
Yлзы сагаан харгытай
Ургыш, жаргыш бүүбэймнай
Yнэр баян, урматай
Yндын хумуужыш бүүбэймнай

Нэгэеэ гүйсөөл бүүбэймнай
Найрлан хүхилдэн байхадаа
Наhандаа золтой ябахынь
Наартай үреэлээ айлдаял.

Дабталга:

Эжы абаяа ооголон
Бэрхээр хэлэндэ орожо
Мааяыса гүйгөө бүүбэйнгөө
Мантан болохынь үреэел.

Дабталга:

Хүхижэ ажана
Хүн зоной амармаар
Наадан эхилээл.
Хүгжэмэй дохёогоор
Хүнхинэмэ гоёор
Уряал дуун зэдэлээл.

Дабталга:
Энэ залуу наһамнай
Эршэ дүүрэн даа.
Энхэ мүнхэ жаргалнай
Һалбаран бадарнал даа!

Хүхижэ ажана
Хүн зоной амармаар
Наадан эхилээл.
Хүгжэмэй дохёогоор
Хүнхинэмэ гоёор
Уряал – дуун зэдэлээл.

Дабталга:

Дуун шэнги аялгаар
Дурамнай адхаржа
Сэдьхэл эзэлнэл.
Зун мэтэ зугаадаа
Зүрхэмнай ханажа
Бэемнай сэнгэнэл.

Дабталга:

Үүлэн хээ угалзаар,
Үлхөө шүрэ һубһаар
Мушхарнал дүхэриг.
Ёохор, дуун, хатар, вальс –
Ерыта наашаа! –
Жэргэнэл һубарин.

Дабталга:

Агуу сагай мүнхэ үлхөө –
Арбан Хоёр Жэлээр субаад,
Түмэн сая үеын холбоо
Түүхын залгаа бултынь гагнаа.

Дабталга:

Арбан сагаан буян тэгшэ
Ажал, соёл, соло, габьяа,
Амар жаргал түгэс энхэ,
Ан-бун һуухы мандаа уряал.

Дабталга:

Сагаан хадаг, бэлэг-сэлэгтэй,
Сагаан эдеэн, сэржэм, бүүhэгтэй,
Сагаан үбэлөө шиидхээ Шэнэ Жэл-
Сагаа Һара-Сагаалгамнай эрьебэл,
Амар мэндэ, амгалан сайн,
Сагаалганаар!

Сагаан хүршэ-хүбөө, нүхэдөө,
Сагаан хамаг түрэл-түтимөө,
Сагаан ашата аба эжыгээ
Сагаа Һараар, Сагаалганаар золгоел,
Амар мэндэ, амгалан сайн,
Сагаалганаар! 

Сагаан үлзы энхэ үреэлтэй,
Сагаан үргэл-мүргэл, буянтай,
Сагаан тэнигэр үбгэд, хүгшэдөө
Сагаа Һараар, Сагаалганаар золгоел,
Амар мэндэ, амгалан сайн,
Сагаалганаар!

Сагаан арюун hайхан хүсэлтэй,
Сагаан, зоной үйлэ хэрэгтэй
Сагаан, шараш, хараш улад зоноо
Сагаа Һараар, Сагаалганаар золгоел,
Амар мэндэ, амгалан сайн,
Сагаалганаар!

Сэнгэжэ жаргамаар манай нютаг
Суглараад буубалта, амар мэндэ!
Сэдьхэлэй сагаахан уран дууе
Сээжынгээ оёорhоо бариял тандаа,
Сээжынгээ оёорhоо бариял тандаа!

Аглагхан Агымнай найман отог
Айрагтай, сэгээтэй угтанал даа.
Амгалан байдалай hүлдэ тэмдэг
Аюша хадагаар золгоел танаа,
Аюша хадагаар золгоел танаа!

Харалсаад намтаяа уулзахаяа
Холынгоо холоhоол зориболта.
Хүгжэhэн Агаяа харахаяа
Хайрата нүхэдни ерэбэлта,
Хайрата нүхэдни ерэбэлта.

Уулзажал намтаяа хөөрэлдэхэеэ
Утынгаа харгыгаар зориболта.
Уужамхан Агаяа харахаяа
Унаган нүхэдни ерэбэлта,
Унаган нүхэдни ерэбэлта.

Үнэр баян нютагтаа
Уулзан байгаа наадамнай
Үеын хани нүхэдүүдэй
Үреэлтэй байха ёhотойл даа.
Аа-аа,
Үреэлтэй байха ёhотойл даа.
Ёhотойл даа.